מײַן צװאה - אָ גוטע פרײַנט [Mayn tsavoe - O, gute fraynt] lyrics

אָ גוטע פרײַנט ווען איך וועל שטאַרבן

טראָגט צו מײַן קבר אונדזער פאָן

די פרײַע פאָן מיט רויטע פאַרבן

באַשפּריצט מיט בלוט פון אַרבעטסמאַן

און דאָרט אונטער דער פאָן דער רויטער

זינגט מיר מײַן ליד מײַן פרײַע ליד

מײַן ליד אין קאַמף וואָס קלינגט ווי קייטן

פון דעם פאַרשקלאַפטן קריסט און ייִד

אויך אין מײַן קבר וועל איך הערן

מײַן פרײַע ליד מײַן שטורעם ליד

אויך דאָרט וועל איך פאַרגיסן טרערן

פאַר דעם פאַרשקלאַפטן קריסט און ייִד

און ווען איך הער די שווערדן קלינגען

אין לעצטן קאַמף פון בלוט און שמאַרץ

צום פאָלק וועל איך פון קבר זינגען

און וועל באַגײַסטערן זײַן האַרץ