Massimo Ranieri - Nuttata 'e sentimento

Che notte! Che notte!

Che luna! Che mare!

Stasera mme pare

Scetato 'e sunnà.

Cu'st'aria serena

Ca scippa d' 'o core

Suspire d'ammore,

Durmi' nun se pò!

Chiara è 'a luna,

Doce è 'o viento,

Calmo è 'o mare,

Oje Caruli'!

'Sta nuttata 'e sentimento

Nun è fatta pe' durmi'!

Luntano, luntano,

P' 'o mare turchino,

Vulesse a te 'nzino

'Nu suonno sunnà.

'Nu suonno 'e dulcezze,

'Nu suonno 'ncantato,

Cu ttico abbracciato,

Sunnanno, muri.

Chiara è 'a luna,

Doce è 'o viento,

Calmo è 'o mare,

Oje Caruli'!

'Sta nuttata 'e sentimento

Nun è fatta pe 'durmi'!

Cchiù bella, cchiù doce

'Sta notte sarria

Si tu, vita mia,

Venisse a vucà.

'Na storia d'ammore

Te conto si viene,

Si caro mme tiene,

Rispunne ca si'!

Chiara è 'a luna,

Doce è 'o viento,

Calmo è 'o mare,

Oje Caruli'!

'Sta nuttata è sentimento

Nun è fatta pe' durmi'!