Sipinakui tukuikujta,
aujaj wañusjaña kachkaptin,
payman chayaykun juk runa
niykuspa: “¡Ama wañuychu, sinchitam kuyayki!".
Ayañataj ¡way! Wañuriykunraj.
Iskaiñataj asuykuspa mosojmanta:
“¡Ama sajiwaykuchu! ¡Kallpanchakui! ¡Kutirimui kausaiman!”.
Ayañataj ¡way! Wañuriykunraj.
Jamunku paiman iskaichunka, pachak, waranja, pichjapachak waranja,
japaririspa: “¡Kainaña kuyai kachkaptimpas
mana imatapas rurayta atikunchu wañuiwanja!”.
Ayañataj ¡way! Wañuriykunraj.
Waranjantin ununtin runakuna tukui muyurijninpi,
chaikajlla mañakuinintin: “¡Ama ripuychu wauje!”.
Ayañataj ¡way! Wañuriykunraj.
Jinaptinñataj, lliu allpanchik kausaj runakuna
muyuriykunku; ayaja llakisjallaña, mancharisjajina;
allillamanta jataririspa,
jallarijkaj runata marjaykuspa, puririita jallarin...