مرحبتين ومرحبتين وينهم هالدبيكة وين
وين محمود وين معروف وين الياس وين حسين
ضوّي وشعشع يا فانوس للعريس و للعروس
و يا عريس تفضّل بوس بوسة نقدي و بوسة دين
جينا يا دار الأحباب طال الملقى فيك طاب
اللبناني ما بيغلق باب بابه مشرّع ع الميلين
يا دار العز ع عتابك وصلنا
و خيوط الحب و الفرحة وصلنا
و مهما بالدنيا جلنا و صلنا
لا بد نعود ع أرض الحباب
و يا عروس بها الطرحة لوحي و قولي يا مرحى
والأمّورة بهالفرحة رح ترقص يوم و يومين