Mare verde lyrics

Nun è campagna: è mare, mare verde:

'nu golfo d' erba, 'na scugliera 'e fronne,

ca luntano se perde

sotto 'o cielo d'está...

E pe' stu mare verde senza fine,

suonno d'a vita mia,

cchiù carnale e gentile

tu cammine cu me...

L'ombra te veste ma te spoglia 'o sole:

si' d'oro comme 'o ggrano...

Tremmanno 'e passione

t' astregno sti mmane...

E 'o mare verde,

ce 'ncanta e ce perde,

abbracciáte accussí...

Dorme 'nu bosco e canta 'na surgente...

Sisca 'nu treno sotto 'a na muntagna...

Va sbarianno cu 'o viento,

na palomma ccá e llá...

E pe' stu mare verde senza fine

...

L'ombra te veste ma te spoglia 'o sole:

si' d'oro comme 'o ggrano...

Tremmanno 'e passione

t'astregno sti mmane...

e 'o mare verde,

ce 'ncanta e ce perde,

abbracciáte accussí...

E ce perdimmo pe' stu mare verde...

Stu mare verde...