Ide sprovod priko sela
u kapsilu težak leži
maslina je nevesela
tovar reve, a pas reži
Tuče zvono s kampanela
po bandama plače loza
brav se krivi iz macela
rogač stari brsti koza
Zvoni bubanj i činela
šapju muški, plaču žene
došlo se na kraj rokela
došlo se do kraja krene
Ide sprovod priko sela
Vonja žuka i kanela
u kočeti baba hripje
cvrči uje sa gradela
na grobišću ploča škripje
Vrtal bura je pomela
pivac kunja iza kuće
Ide sprovod priko sela
kukviža je u bor sela
na kominu puca pruće