Manqurt lyrics

PRoMete:

Nəfəs al və burax, bu tək lazım olan,

Həyat üçün formula, nə qədər artıq

Kəşf eləsən də, məşq eləsən də,

Həyat üçün heç nədir

Belini sənin vurmaq yerə zirvələrdən belə

Geri dön bax yerə heç kimə xoş deyil

Yıxılmaq yerə yıxıl dur

Block tutulur qır, cavab verilir vur

Həyat davam edir nə qədər verilməyib sur

Hər kəs öz rolun oynuyur

Kim baha satır, kim çölə atır

Kim Qarabağ atıdı, kim kölə qatır

Kim qızıla batıb yatır, kim zibilə batır

Kimə baha saniyəsi, kimə dəyərsiz saatı

Kim idarə edə bilmir özünü

Kim idarə edir kainatı

Və götürülür aradan kimin çox məlumatı

ABD. Malik:

Qar-kömür, ölüm-ömür

Şiə-Ömər, sünni-möhür

Çılpaq-vicdan, başıbağlı-yalan

Əvvəl-son, meydan-dalan

Tarix-miras, bakılı-yeraz,

Həci-yəhudi, qızıl ya pas,

Sevgi-tort, pul-abort

Oyun-həyat, cənnət və od

Rüşvət-vicdan, səcdə-şeytan

Fəhlə-qlamur, hallowen-qurban

Avrovijn-Laçın, Panomera-qaçqın

Milli caz, başa düşüm çətin

Barbi-hicab, playboy-savab

İblisə-rəhm, iftara şərab

Din-dəb, depressiya-təb

Namus-karto, hüzur-əsəb

PRoMete:

Küçələr bol, başı boş insanla

Nə qədər gör azmış insan var

Kimin nəyinə gərəkdir harda torpaqlar

Həyat Bakıdadır, qalanı bataqlıqda

Düzdü işsizlik sıfır, indi iş çoxdur

Eşşək kimi işlə, sonda pul yoxdur

Sözümüzün dəyəri də əvvəlki deyil

Millətin qarnı çünki sözdən toxdur

Çoxluq.. yox söyüş söymə uşaqlar var

Söyüşü eşidirik indi uşaqlardan

Siqaret əllərində sanki oyuncaqdır

Qızların da əllərində rezin oyuncaqlar

İndi saqqalın var-yox fərqi yoxdur

Üzündə nəsə qaralırsa, sən vahabi

Alnını qəsdən möhürə sürtən çoxdur

Elə bil bunu eləməklə artır savabı