في ناس على الحزن اتربوا
واتولدوا عالهم وكبروا
واللي ما لوش ظهر يا دنيا
أحسن له ينزل على قبره
الآه في قلبي بتوجعني
بصرخ ومين رح يسمعني؟
أنا رحت للفرح بلاده
ركبني قطر ورجعني
الدمع عندي كتير جداً
ورثته أباً عن جداً
عملوا امتحان ملك الأحزان
تقديري كان جيد جداً
في بحر ويل ومرار عايم
بفطر على الآه وأنا صايم
الفرح جه يسأل عني
قالوله متغطي ونايم
الهم ساكن في ضلوعي
وأحبابي طافيينلي شموعي
يا دنيا يا منشفة ريقي
متنشفي مرة دموعي
يا ليل يا ليل يا ليل
القلب مليان ومعبي
م الظلم مش قادر أخبي
ليه يا دنيا لو أقولك عطشان
على راسي أحزان بتكبي
طول عمري في الدنيا بقاسي
حتى الحنيّن بقى قاسي
لو حد مرة جرحته يقول
ويفكروني لو ناسي