Müsli-Män [Schrank-Version] lyrics

Ich stund friedlich enn der Frittenbuud,

Plötzlich wohr e’ do

Met su ’nem Feuerschwert und Heilijenschein,

Lange blonde Hoor,

Bläcke Fööß met nur Sandale draan,

Schweb e’ op mich zo,

Speut messianisch op ming Currywoosch,

Ich saare: „He, wer bess du?“

“Typisch, dat du mich nit kenns,

Oho, ich benn dä Müsli-Män.“

Paar Daach spääder stonn ich enn dä Kneip,

Do spür ich: Hä ess do.

Ich hatt mer jraad et eezte Bier bestellt,

Do sinn ich en inkognito:

Blonde Hoor met Henna ruutjefäärv,

’Ne Schal vun Al-Fatah,

Ich saare: „Weet, hühr zo, verjess dat Bier,

Dunn mir ’ne Appelsaff!“

Dä laach un nimmp mich jar nit ähnz –

“Psst“, saach ich, „Mann! Do steht dä Müsli-Män!“

(“Psst“, saach ich, „Clemens! Do steht dä Müsli-Män!

Dä Fuss dohinge, siehste nit?“)

Ahm nähxten Daach wood et besonders fies,

Op der Autobahn.

E’ Understatement-Damenfahrrad, wieß,

Import uss Amsterdam,

Stopp dä Bus met unsrer Ahnlaach drin,

Koot vüür Wesseling,

Un konfisziert dat, wat elektrisch ess,

Un lööt uns nur dä Tamburin he.

Klar, wer dat wohr, verroot ich jähn:

Logo, dat wohr dä Müsli-Män, die blöde Sau ald widder.

Mer wohre tierisch sauer, ess doch klar.

Eez hammer ens jetob,

Donoh – flexibel – flöck uns Repertoire

Op Skiffle ömjeprob.

Dä Major Banjo, Axel Xylophon,

Ich met ’ner Klarinett,

Ahm Waschbrett Wolli, Schmal ahm Sousaphon,

Statt Bass en Tuba jetz.

Nur dä Fonz ahm Mixer wohr dä Fan,

Weil dä Fonz hatt frei hück, dank unsrem Müsli-Män.

Dann koot vüürm Auftritt luhr ich enn dä Saal,

Wie ich dat immer dunn.

Vüür Lampenfieber schläät mer’t Häzz em Hals:

„Oh, wat e’ Publikum!“

Vüür allen Dingen do dä Härtetyp

Määt mich verstärkt nervös,

Dä Häuptling do met Irokesenschnitt,

Dä mich su hämisch jrööß.

Ich denk, ich spenne, ich benn krank,

Do steht dä Müsli-Män als Punk!

[Paar Stund nohm Auftritt kumm ich mööd noh Huss

Un denk: „Wie mief et he?”

Ming Frau ’ss em Bett, et Leech ess övv‘rall uss,

Doch irj’ndjet ess verkeht.

Om Sofa litt en lila Latzbozz röm,

Die eijenartig rüsch,

Noh Pumakäfig un Patchouli, echt

Erstaunlich widderlich.

Ich denk, ich spenne, ich benn krank:

Do steht dä Müsli-Män em Schrank!]