M'han ciamàa lyrics

El piuveva da tri dì;

s’eri in cà cui me dulùr...

m’han ciamàa da la ringhéra

perchè i gh’era giò dü sciuri per parlàm... A mì?

Ho mis sü el me tirasàs,

ho cominciàa a andà giò d’i scal

e ho sentìi chi öcc sü la mia s-cena:

ho capì: 'l era per ti.

L’ispetùr 'l era un bravòm;

el savéa no ’me cumincià:

"So ddisgrazie e chillo ambiente:

voi sapete..." Ma s’te 'öret savé cosa... Che roba!

Sem rivàa a destinasiùn,

dedré mì, davanti lur,

e t’ho vista smorta de fà compassiùn ai sass...

sott’ a un brüt lensö bianc!

E te seret pròpi tì,

ho sentì strengium el cör:

stès cavèi, la stèsa buca granda,

el stès fa' de tö in gir semper la gent!

E m’han dìi che t’han truà,

t’han truàda sui bastiùn.

Mi gh’ho dìi che l’è no vera:

no, che te seret minga ti.

Mi gh’ho dìi che l’è no vera:

che te seret minga ti.