الكلام ان جيت اعبرلك قصيد♥ القصايد يا بعدي تبقى كلام
و انا لو بشرحلك اللي ف الوريد بذهل النجمة و اهز قلب الغمام
يا فديت عيونك امر وش تريد بس لا تسألني عن كثر الغرام
مادري كم اهواك لكن الاكيد كل سنة من حبي لك بألفين عام
تدري وش معنى وجودك بالمفيد يعني واحد يختصر كل الانام
يعني وقتي و انت عن عيني بعيد كوكبٍ موحش و يسكنه الظلام
كلمة احبك قديمة و الجديد اني واصل معك لحدود الهيام
يا كثر هالناس غير انت الوحيد اللي يصحى بقلبي و بعيني ينام
ياللي ناقش ميمك ف دم الوريد يلي حبك يزحم ضلوعي زحام
بسألك بعد اللي قلته بهالقصيد تعتقد هالحب يوصفه الكلام