Luskell ma bag

Luskell va bag war gribell an dour

Dispak da ouel a-red

Luskell bepred 'raok an avelioù flour

Sent ouzh ar stur bepred

A-dal ar beure betek an noz

Pesketa eo va lod

Kuitaet am eus va ziig kloz

Kluchet e-tal an noz

Luskell...

Arnev oa bet, gleb-teil e oan

Kounnaret oa ar mor

Me ne ran van, ret eo kaout poan

Trec'h omp d'an avel-vor

Luskell...

Bremañ eo brav, seder ez on

Gwenn-erc'h e nij ar spoum

Beg lemm va bag e sko en don

Kaset on dreist ar c'houmm

Luskell...

Setu an heol o vont da guzh

Pesket e-leizh am eus

Tro-war-dro din, bezhinoù druz

Va bag o zroc'h hep reuz

Luskell...