Sto criscenno nu bello cardillo,
Quanta cose ca ll'aggi' 'a 'mpara.
Adda ire da chisto e da chillo
Ll 'immasciate isso m'adda purta'
Siente cca' bello mio lloco 'nnanze
c'e' na casa 'na nenna 'nce' stà
tu la vide ca nun è distante
chella nenna aje da ire a truvà.
Si la truove ca stace durmenno
pe' na fata gue' nun 'a piglia'
nu rummore nun fa culipenne
guè cardi tu l'avissa scetà?
Si affacciata po' stà a lu barcone
Pe' na rosa l'avissa piglià?
Guè cardi' vi' ca lla' nun te stuone
Va vattenne cardi' n'addurà.
Si la truove ca face l'ammore
'stu curtiello annascùnnete cca'
'nficcancillo deritto allu core
e lu sango tu mm'aje da purtà.
Ma si pensa vattè chianu chianu.
zitto zitto te 'nce aje d'azzeccà.
Si afferrà po' te vo' co' la mano
priesto 'mpietto tu l'aje da zumpa'.
Si te vassa o t'afferra cianciosa
tanno tu l'aje da dire accussi:
"Lu patrone pe' te nun reposa,
puveriello pecché adda muri?"
T'accarezza, te vasa ah... viato
cchiu' de me tu si certo cardi'
Si cu' tico cagnarme mm'è dato
doppo, voglio davvero muri'.