Losa de Astragu [Spanish translation]

Chentu e degheoto ànimas de Deus,

muzeres cun fizos imbochende

chi dae mare ch'èsserent torrados.

Chentu e degheoto fizos imbochende

de sas mamas sas pregadorias,

chena ischire chi a Deus

non podian arrivare.

Ca s'alenu 'e sa vida

lis fit benzende mancu.

Ca est menzus a naschire

fizu 'e sorte chi non fizu 'e re.

Ca s'alenu 'e sa vida

lis fit benzende mancu.

Ca est menzus a naschire

fizu 'e sorte chi non fizu 'e re.

Dachi sa morte lis fit 'enzende cara a cara,

apenas su tempus de iscrìere unu messazu:

"Oh mama cara, fortza! como fàgheti corazu,

nos amus a bìdere ancora

in sa corte 'e s'Eternu Re".

Ohi cantas, làcrimas falan

caentes in d'unu mare 'e àstragu

cun s'ispera de una sepoltura

digna de sos eroes.

Chentu e degheoto ànimas de Deus.

Chentu e degheoto fin eroes.

Dae chelu precan pro nois.

Dae chelu precan pro bois.