Lommer nimmih lommer sage [German translation]

Refrain:

Lommer nimmih lommer sage

Lommer jet dun

Lommer nimmih lommer sage (x 2)

Sommer em Sommer durch de Eifel laufe?

Sommer nit ens widder en de Sauna jon?

Sommer nit ens widder mih Bio kaufe?

Un dobei noch jet für de Jesundheit dun?

Solle mer nit däm ahle Mann e Bier spendiere?

Solle mer nit ens widder met däm Rad erus?

Solle mer nit de Bud noch ens tapeziere?

Do hammer’t widder schön un sin och jän zo Hus.

Su simmer immer de Muul am schwade

Un wat maache mer tatsächlich?

Jar nix! Schade!!

Refrain

Mer möhte ens widder noh de Oma fahre

Mer möhte ens widder en de Oper jon

Mer möhte däm Chef ens de Meinung sage

Mer möhte un mer sollte, woröm hammer nix jedon?

Künne mer nit ens eimol en Weltreis maache?

Künne mer nit ens jet für de Ärme dun?

Künne mer nimmih üvver uns selver laache?

Wat mer nit deit, do dräump mer nur vun!

Su simmer immer de Muul am schwaade

Un wat maache mer tatsächlich?

Jar nix! Schade!! Schade, schade!!

Refrain

Wie lang simmer nimmih en de Kirch jejange?

Wie lang hammer nimmih en e Boch jeluurt?

Wie lang simmer ald en unserem Film jefange?

Et weed höchste Zick für en Widderjeburt!

Su simmer immer noch de Muul am schwaade

Un wat maache mer tatsächlich? Op e Wunder waade… Schade, schade!!