Lizos de nues lyrics

Si su bentu batit frinas de nie,

si su chelu pintat lizos de nues,

si sa notte poi 'che torrat sa die,

naramilu si su sole chi naschit ses tue.

Si su tempus 'che caentat s’idea,

si s’andare no mi mustrat s’issia,

si sa luna mudat cada marea,

naramilu si bi ses o s’est fantasia.

Ma... custu sero deo ti cherjo solu amare ca

sos isteddos sun inoche a nos tentare.

Tue su sole ses de sa vida mea,

su calore de custa melodia.

Si sa terra nos dat fortza e recreu,

si s’affetu sanat cada feria,

si su cantu 'che cantzellat s’anneu,

naramilu ite chircat s’ànima sentia.

Si s’ispera ninniat cantos e riet,

si s’alentu pintat isteddos totue,

si su sònniu 'che trumentat sa die,

naramilu si sa prenda chi cherjo ses tue.

Ma... custu sero deo ti cherjo solu amare ca

sos isteddos sun inoche a nos tentare.

Tue su sole ses de sa vida mea,

su calore de custa melodia.

Tue su sole ses de sa vida mea,

su calore de custa melodia.

In su sero chirco a tie,

in sa notte, in sas nues.

Ube ses, nàrami tue

a chie isetas, fortzis a mie?

Tue su sole ses de sa vida mea,

su calore de custa melodia.