Li-llahi l-hemd ji yarê me di dest cam e lebaleb
Ji lebê noşê peyapey di dil ilham e lebaleb
Di riya wan xet û xalan ko ne herfên qelemê ne
Me ji feyda te ye mestane rewan ça me lebaleb
Mestê şehkasê meya cezibeyên rûhî didîn
Rûh dizanit ko ji ber lezzetê `işq mame lebaleb
Nêrgiza mest-i ji bala çimena sinbil û gul tê
Qedehê taze bi destê xwe meşî da me lebaleb
Wehdetê şirf e me meşreb te çi iksîrê wucûd
Em lebaleb çi lebaleb bi xwe hem came lebaleb
şem` û perwane bi zatê xwe ji halê me di dûr in
Ateşek şirf e ji `işqa te vewesta me lebaleb
Qedehek taze ji `işqê di ezel da me hekîmî
Jê dinoşîn hey û hey hê bi xwe cama me lebaleb
Carekê goht-i Nişanî ne Mela yî were banî
Ev dixwast me ji dil û can dehen û kame lebaleb
Te dizanim te dibînim ko tu yî nûra wucûd
Ellah ellah ji çi nûr e di seraya me lebaleb
Ji `inayet nezerê xasse ko her meşre` û beytek
Qedehên aba heyatê ne di şi`ra me lebaleb