Lettera d'amuri lyrics

L'àutru aièri osservava

Taliannu 'n passariddùzzu

Supra di li rami

Tra alivi e minnuliti

Trippava, cantava,

Ammenzu 'e fogghi caminava

Cu lu so' 'ntunatu fischiu

'Na melodia, quant'era duci!

Rispirava felici la terra

Lu ventu e l'occhi mei

Quasi quasi di chistu

Mi sintìa ju gilùsu

Poi scinnìu 'n terra

S'avvicina 'nta 'na fussetta

Piegànnusi, stannu attentu

A tuttu chiddu chi facìa

Satànnu ccabbànna e dabbànna

Comu pì iddu fussi 'n puzzu

Nu puzzu chinu d'acqua

Era 'nbucu di balata

Ma quant'è bellu

Quant'è duci st'amùri...

Nu filu di erba tinèva

Appizzàtu na lu beccu

Jutànnusi cu lu piruzzu

Muvennu 'a testa s'u livò

Subito pigghia u volu

Na lu cielu gudèva

Lu fàrisi accarizzàri

Di la matri so' Natura

Godi, amuri miu

Ni la luci di lu suli

Lu farisi accarizzari

Di la matri so' Natura

Ti vulissi tantu tuccari

Cu sti manu mei

Ca di nicu m'aiutarunu

A fari i passi pì la via

Ma quant'è bellu

Quant'è duci st'amùri...