Les sabots d'Helene [Breton translation]

Botoù-koad Lenaig

a oa fanket holl:

Divalav e vije graet outi gant an tri c'habiten

hag heñvel d'un ene daonet

e oa ar paour-kaezh Lenaig.

Arabat dit klask pelloc'h ur stivell,

p'az peus ezhomm a zour.

Arabat klask pelloc'h: gant daeroù Lenaig

deus da leuniañ da sailh.

Bec'h a lakais-me warnon

d'o zennañ diganti,

botoù Lenaig, pa ne vezan ket kabiten, me,

hag un digoll bras

am eus bet eus ma foan:

e-barzh botoù Lenaig gaezh,

'barzh he botoù fanket,

kavet 'm eus-me treid ur rouanez

hag em eus o miret.

Lostenn gloan Lenaig

'oa tartouzet holl;

Divalav e vije graet outi gant an tri c'habiten

hag heñvel d'un ene daonet

e oa ar paour-kaezh Lenaig.

Arabat dit klask pelloc'h ur stivell,

p'az peus ezhomm a zour.

Arabat klask pelloc'h: gant daeroù Lenaig

deus da leuniañ da sailh.

Bec'h a lakais-me warnon

d'he zroñsañ,

lostenn Lenaig, pa ne vezan ket kabiten, me,

hag un digoll bras

am eus bet eus ma foan:

e-barzh botoù Lenaig gaezh,

'barzh he botoù kagalet,

kavet 'm eus-me divc'har ur rouanez

hag em eus o miret.

Ha kalon Lenaig

n'oa ket evit kanañ;

Divalav e vije graet outi gant an tri c'habiten

hag heñvel d'un ene daonet

e oa ar paour-kaezh Lenaig.

Arabat dit klask pelloc'h ur stivell,

p'az peus ezhomm a zour.

Arabat klask pelloc'h: gant daeroù Lenaig

deus da leuniañ da sailh.

Bec'h a lakais-me warnon

d'ober arsav enni,

e kalon Lenaig,

pa ne vezan ket kabiten, me,

hag un digoll bras

am eus bet eus ma foan:

e-barzh kalon Lenaig gaezh,

n'he doa kanet biskoazh,

kavet 'm eus-me karantez ur rouanez

hag em eus he miret.