Sos pitzinnos chi s’istiman s’imprassan istande ritzos
Conca a sa sas jannas de sa note
E sos chi bi colan incue che los inditan a poddighe
Ma sos pitzinnos chi s’istiman
No istan incue pro more ‘e nemos
Est petzi s’umbra issoro
Chi si tremet in sa note
Ponendeli fele a sos chi bi sun colande
Ponendeli fele, dispretziu, risu e disizu
Sos pitzinnos chi s’istiman no istan incue pro more ‘e nemos
Issos si ch’istan in aterube, prus atesu meda de sa note
Prus in artu meda de sa die
In su crarore illughinante de su primu amore issoro.