لك حكاية [Lek Hekaya] lyrics

لك حكاية مالحسن ما مرت اشباهك أبد

ولا احد يقدر يوصّف هالشعور ولا أحد

وش أقول : وطاغي حسنك بان له بالنجم صورة

وش أقول : وهذا اسمك بالسما مكتوب نوره

كل بسمه منك تضوي

وكل خطوة منك غير

كنك البشرة السعيدة

ولّا وجه لكل خير

بان صبح و شع نور و قام يتبختر بعد

و اضحكت عالي سمانا ضحكها مزن و رعد

وش أقول : وليل فرحك ما نجاريه ومحال

ليلتك هي مثل قلبك زينها فوق الخيال

هاتي يدك منهو مثلك

تسبق خطاه الـ هلا

ما رقيتي النجم لكن

كل نجمٍ لك علا !

اقبلي وخلي المشاعر تبتديك بلا عدد

انتي ما قبلك جمال وما بعد بعدك أحد

ما أقول إلا : لنوره خطوة قدومك زهر

ما أقول إلا : لنوره نظرة عيونك شعر

من يشوف إنك حياته

ومنهو فيك اليوم حي

هذا هو سلطان و انتي

حب عمره وكل شي

طارت نجومك تعانق طلتك ليل السعد

كنها طيور المحبة جت تحبك للأبد

وش أقول :وانتي أسمى مهما طوّل حكينا

يا عروس الغيم منتي بس عروس قلوبنا

هالمسا نكتبه باسمك

يوم في الدنيا جديد

ولجلك انتي بسْ انتي

نعتبرْه اليوم عيد