Lei mi darà un bambino [Venetan translation]

'Na casa bianca, ghe abitemo mi e ea

Un picoeo giardìn e un mondo par nialtri

Coi fiori sol sofito, coi fiori sóra el muro

Coi fiori sóra el lèto,

Parfìn sóra el teto

Ea ea me darà un fioeo.

Nove mesi fa ea me ga dito che

Ea gaveva 'na sorpresa granda par mi

El sol rento casa, gavemo ridesto de feissità

Gavemo baeà in cusina, ea gò strenta vissìn a mi.

Ea ea me darà un fioeo!

E par ver un fioeo ea gà pregà,

Ma par no farme mal, no ea gà dito gninte

E se no ea dormiva, de nòte ea me vardava

Eo so che ea pianxeva, eo so che ea ghe sperava

Ea ea me darà un fioeo!

Amore rento casa, amor fra nialtri do,

Amor in giardìn,

amor come mai

Amor sol sofito amor sóra el muro

Amor sol lèto, parfìn sóra el teto.

Ea ea me darà un fioeo!

Co riva nòte

E mi so che ea dorme

Me avissino pian pian, sensa far rumor

Co 'na recia scolto el so cuor.

E nel siensio sento

A volte un movimento

E al scuro vedo proprio ea tacà

'Na testa bionda

E el soriso del me putèo.

Po' vardo ea,

Ea vorìa, oh quanto che ea vorìa!

Son un òmo e ea vorìa...

Ma eo so che no se pól

E sofrendo me figo no,

Ti gà da star chieto n'altro fià.

Come se fa

A sentir el caeor del so corpo vissìn de ti

E voerghe ben pì che mai e saver che no ti pól...

El scuro se ne va

El sol el xe xa qua

E el me putèo el nassarà...

Còssa? No ti te senti ben?

Ti dixi che sia ora? No ti schersi? Xe vero?

Eora tògo ea machina... oh cara, xe stupendo, sì, eo so

Ti ti me darà un fioeo.

No sta preocuparte, gò tuto...

El spassoìn, e chea vestalia nòva che te gò comprà

Pian, pian... ghe xe un scaìn...

Guidarò tranquìo e 'ndarà tuto ben, ti vedarà, ti vedarà...

Ea ea me darà un fioeo.

Mi guido e intanto tremo,

Ghe ciapo ea man

Un sigo de sirena me vien fòra dal sarvèo

S so viso no ghe xe nissùn soriso

Mordime ea man! Te vògio ben!

Ea ea me darà un fioeo!

Vardando ea me facia sol pavimento onto

De un anonimo ospeàl, mi sogno un gran parto

Ma dove xea? Xe xa diese ore

Còssa sucede? Còssa sucede?

Riva un dotór, gèra ora

Dopo tante ore... ghe xe 'na smorfia strana soea so facia

Me dimando, me dimando parcòssa...?

Me dimando, me dimando parcòssa...?

Ea... ea... còssa...!?