ليه ؟
يوميها لما جه قالي نبعد قولت آه
و ساعتها ليه ما حاولتش أتفاهم معاه
ما أعرفش إيه اللي ماخلانيش أصبر عليه؟
فات
علي بعاده أيام و تعباني الحياة
زي اللي كان عايش في حلم و منه تاه
مش قد بُعده وافقته ليه و عاندته ليه؟
و إزاي أنا
علي طول كده سيبته!!
أهو خسرته
بتيجي سيرته
أبوس صورته و أبكي عليه
صعبه الحياة
نفسي أروح عنده
أعيش يوم
لو هموت بعده
خلاص وقفت حياتي عليه
ياه !
إزاي يا قلبي في ناس بتقدر ع الفراق؟
مش قادر أصدق إني سايبه باتفاق
عقلي اللي وقتها ضيعه دلوقت فاق
آه
أنا كل ما يطول البعاد هندم عليه
نفسي أشوفه عشان واحشني هموت عليه
قلبي و عرف غَلَطُه خلاص و بيناديه