Le temps des cathédrales [Latin translation]

Praesens fabula sedem habuit

venustam Lutetiam, anno Domini

millesimo quadringentesimo vicesimo secundo,

amore cupidinibusque referta est.

Nos vero, Artifices ignoti,

tam imaginibus quam metris

hanc vobis narrare conabimur

ut ad posteriora saecula attingat.

Iam advenit tempus sacrarum aedium1,

orbis terrarum novum millennium iniit.

Homines ad stellas ascendere voluerunt,

historiamque suam inscribere

vitro lapidibusque.

Singula quaque lapide, singulo quoque die,

singulo quoque saeculo devote

viderunt turres extolli

quas manibus suis aedificaverant.

Poetae aoedique

carmina amatoria cecinerunt

quibus humano generi

meliores dies futuros promittebant.

Periit tempus sacrarum aedium

Turba barbarorum

ad portas stat.

Istos impios Vandalos admittite:

finis saeculorum nostrorum

ad annum bis millesimum adscripta est.

1. "Cathedrali" adiective tantum utitur, neque ante recentiorem Medium Aevum auditur.