Gant e vanikin war e gein
(div wech)
e oa o tont eus Eldorado
(d.w.)
Barv gwenn a oa dezhañ,
hañvet e oa "Tad madigoù".
Lakaet en deus dit labour war da stern 1
Lakaet en deus he dorn war da zivlez 2
Da gaset en deus da bourmenin war ur rederig
(d.w.)
war-zu ur vuhez a briñsez.
(d.w.)
Ar vuhez alaouret holl
en deus he c'hinniget dit diouzh ar bladenn.
Lakaet en deus ed ez krignol 3
Lakaet en deus he dorn war da zivlez.
Pa n'ez poa tra en-dro dit
(d.w.)
en deus da c'holoet gant mantilli
(d.w.)
En deus da wisket gant dilhad ar Sul,
pell amzer 'vo kent n'az po riv.
Lakaet en deus feur erminig d'az manegoù,
Lakaet en deus he dorn war da zivlez.
An holl gameennoù, an holl blomeis 4
(d.w.)
en deus istribilhet ouzh da skourroù.
(d.w.)
Lakaet en deus perlez ha mein-rubiz
da ziverañ a-ziruilhadennoù ez potoù koad.
Lakaet en deus aour war da skourroù.
Lakaet en deus he dorn war da zivlez.
Tenn, koantig, tenn ar rideoz
(d.w.)
war vizerioù an amzer tremenet
(d.w.)
Pe raio glav er-maez, pe raio avel,
n'hell ket an amzer fall da nec'hiñ ken.
Amzer dudius ar frankiz!...
Lakaet ez eus bet dorn war da zivlez.
1. Pe: bara war da daol. Daou ster 'zo d'an dro-lavar-mañ.2. Da lârout eo: en deus lakaet e veli warnout.3. Implijout a ra Brassens un heuliad troioù-lavar kozh, lod outo diaes da gavout er geriadurioù, hag a dalv kement ha bezañ (pe lakaat da vezañ) pinvidik.4. Meneg 'zo eus "Emaux et camées", un dastum bazhoni brudet gant Théophile Gautier.