N'eo ket fall ma zemz-speret, anat da Zoue!
Morse ne hetan o marv d'an dud,
met mar ne vefe ket tud o vervel ken
me a grevfe gant an naon war-lein ma c'hrugell.
Ur paour-kaezh touller-bez 'zo ouzhin.
Kred a ra an dud vev n'em eus keuz ebet
pa c'hounezan ma bara diwar-goust ar re varv.
Met nec'het on gant se, hag evit gwir
o dourañ a ran en desped din
Ur paour-kaezh touller-bez 'zo ouzhin.
Ha seul ma lezan ma fromoù da vont,
seul e reont goap ma mignoned ouzhin.
Lârout a reont: gwechoù 'zo, paotr kozh,
ma vez un neuz interamant warnout.
Ur paour-kaezh touller-bez 'zo ouzhin.
Kaer em eus lârout ne vez tra peurbadel,
n'hellan ket kavout din e vez kement-se diwar natur,
ha morse n'on evit
degemer ar marv evel e teu.
Ur paour-kaezh touller-bez 'zo ouzhin.
En dic'houzout d'an holl e kimiadan ouzhit, Marv kaezh.
Mar gweler an Aotrou Doue adal goueled an douar,
Lâr dezhañ pebezh poan am eus bet
gant ma falad diwezhañ.
Ur paour-kaezh touller-bez 'zo ouzhin.