Le déserteur [Romansh translation]

Stimo sar president,

in mia correspondenza

el legiaregia, spraunza,

che ch'eau d'he uoss' avaunt.

M'es güst gnieu cumando

dad ir, e que dal vaira,

in guerr' aunz damaun saira,

cha 'm drouvan scu sudo.

Stimo sar president,

umauns scu ch'eau sun svess,

a quels mê nu cuppess,

nu füss bun da fer taunt.

Eau nu'l vuless gnierver,

ma eau'l disch aint pella vista:

“Mia decisiun es quista,

d'he avaunt da deserter!”

In tuot mia existenz'

al bap vains sepulieu,

mieus frers quels sun partieus,

crido haun mieus iffaunts.

Mia mamm' es a la fin

eir ella già suot terra

e ria sur d'la guerra

e skerza culs vermins.

Cur ch'eau d'eir in praschun,

qualchün m'ho invulo

mia duonn' e mieu passo,

tuot que ch'eau vaiv da bun.

Damaun bunura bod

eau serraro la porta

sül nes d'la stagiun morta

e giaro sur pros e god.

Eau giaro dappertuot

vivand scu ün murdieu

e dormaro sün via,

però eau dscharo a tuots

da nu's lascher cupper,

da nun ir a cumbatter

i'l interess dals quatter,

chi 'ns lessan cumander.

E scha que es do avaunt,

cha'l saung ho da culer,

ch'el giaja svess a'l der,

stimo sar president.

Als sieus ch'el dschaja pür,

scha vegnan a'm piglier,

ch'eir eau sun bun da trer

e challaro dal sgür!