Ti e vedi 'ndar vanti pian pianin
'E par tanti cagneti:
'E basabanchi, 'e basabanchi.
Ea confusion che 'e ga drento ea xe tanta
che 'e confonde el diavoeo e l'acquasanta:
'E basabanchi, 'e basabanchi.
Se mi fusse el diavoeo par carità,
Mi credo che me farìa castrar.
Se mi fusse Dio, sentendoe pregar
Perdarìa ea fede, chi sa,
pae basabanchi.
'E camina sempre
sensa vardar
De altar in contraltar
'E basabanchi, 'e basabanchi.
E ci ci ci e cià cià cià
'E rece taca a fis-ciar
Xe 'e basabanchi, xe 'e basabanchi.
Vestìe de nero come el prete
Che'l xe massa bon coi cristiani,
'E varda par basso,
come se el Signor el dormisse
Soe so scarpe da basabanchi.
Al sabo sera dove ti va,
Nee baère i operai,
ma no 'e basabanchi.
'E basabanchi no 'e va
mai fòra paea sità,
Par via dea verginità
'E basabanchi, 'e basabanchi.
'E va fòra soeo pal vespro
pa iore 'e messe
no 'e xe mai massa.
Orgoliose de aaver
Conservà cussì ben
El diamante che 'e ga
In mèxo ae ciape da basabanchi.
Ma un di 'e mòre
pian pianin
Col fogheto sol polmoneto,
'E basabanchi, 'e basabanchi.
'E va al simitero pian pianin
ne l'alba freda de un bel dì,
'E basabanchi, 'e basabanchi.
E su ne ciéo che no ghe xe,
'I angei 'i se inventa par iore 'e feste,
E co' un pèr de ae rote
I 'e fa svoear via, via, via, via, via
Parché 'e ga roto, 'e basabanchi.