ليّا و ليّا [Layya w Layya] lyrics

ليّا وليّا وهي يا ليّا ... هِيّة جَفرا فلسطينية

هِيّة إم الثوب مْطَرّز ... يا شالا أحلى كُوفيّة

ليّا غِنّية سمعناها ... مِن صُغرنا وردّدناها

يِمضي العُمر وما بننساها .. ليلى ليلى اليافاويّة

ياما عَن أرضي تحكيلي ... و ان مَالت يا سَنابِل مِيلي

أغفى على صوتا تغنّيلي ... و اصحى عَلى وجه الجُوريّة

ليلى بِنت الشَط وسِحرو... ليلى نِجمة وَطني وبدرو

هيّة رُوح البَحر وسِرّو ... بِعيوني أجمَل حُوريّة

سَامِر مَنصوب بعينيها ... كُل الحُب تشوفو فيها

جَفرا ودَلعونة تغنّيها ... و رجال تردّد دِحّيّة