Layloyimsan [English translation]

Yangrar dilim qo‘shig‘i,

Menman gulim oshig‘i.

Edim muhabbat xastasi,

Nafasim – dard guldastasi.

Oshiqman...

Sho‘x eding, beg‘am edim,

Dard eding, alam edim,

Kuyingda men sado edim,

Ko‘yingda men ado edim.

Layloyimsan, daryoyimsan,

Orzuimda ro‘yoyimsan.

Yuragim sof havosi sen,

Oshifta qalb navosi sen.

Men oshig‘ing, Majnuningman,

Ham umrbod maftuningman.

Majnunu Layli bexabar

Kezadurman, oh, darbadar.

Mastu parishonu xarob,

Har orzuyim bo‘lib sarob,

Shoyadki oxir oqibat

Tiriltirsa bas muhabbat.

Bo‘lib ishq ovorasi

Sevgidan, qalbim porasi

Eding, saodat shodasi,

Beg‘ubor ko‘ngil bodasi.

Oshiqman...

Moh eding, osmon edim,

Gul eding, bo‘ston edim,

Kuyingda men sado edim,

Ko‘yingda men ado edim.

T a k r o r l a sh:

Layloyimsan, daryoyimsan...

................................................

..Tiriltirsa bas muhabbat.