Lange Samstag en d'r City lyrics

Refrain:

Lange Samstag en d'r City

Pap un Mam, die jon mem Titti

Tata, teita durch de Stadt

Weil et Jeld jejeben hat.

Lange Samstag en d'r City

Laut am blöke es et Titti

Et will noch en Currywoosch

un et hät och jroßen Doosch.

En d'r Stadt es Remmi Demmi

Alle Parkhüser sin voll

Üvverall nur Minschemasse

un die kaufen hück wie doll

Ne kleine Panz dä es am kriesche

De Frau Schmitz sök ihr Marieche

Stauung an 'ner Frittebud

Denn Fritte schmecken immer jut.

Refrain:

Lange Samstag en d'r City...

Titti will e Püppche habe

"Froch d‘r Papp" sät drop de Mam

Doch dä dät dat üvverhüre

Titti fängk zo brölle an

Öm vier Uhr jon se Kaffee drinke

Titti es ald leich am stinke

Och de Mam die kann nit mih

D'r Pap dä zällt sing letzte Flüh

Refrain:

Lange Samstag en d'r City

Pap un Mam, die jon mem Titti

Tata, teita durch de Stadt

Nur weil et Jeld jejeben hat.

Lange Samstag en d'r City

Fass am schlofe es et Titti

Doch noch em Draum sät et janz leis:

"Titti well Vanilleeis"