Ma nesεa amkan deg wegdud
Neɣ lebda a-nkennu i leεwam
Widak yesskawayen afud
Azref rran-t d leḥṛam
Annaɣ ya Ṛebbi lmeεbud
Neggugem neffud
Ttxil-ek ṣeggem-aɣ tiram
Refdeɣ allen-iw s igenni
Dliɣ ɣef yetri-w iɣab
Lemmer d ccetwa a s-nini
Γef medden ak° i tenneqlab
Imi Ṛebbi iɣunza-yi
Imi Ṛebbi icuḥen-iyi
Yeggul ur i-yeffiɣ leεtab
A lḥijab yya-d cebb°el-iyi
Neqḍ-iyi tutlayt n ṣṣwab
Zzlezn-iyi di nnif-iw
Ṛkeḍn-iyi di lḥeṛma-w
Rwel ay ameddakel-iw
Ata lxaṭer-iw d asellaw
D lesnin yeṣṣeḍ wul-iw
A d-yessutur tazmert-iw
A yessexṣar di ṣṣifa-w
Xas ur tesğuğğgeḍ temẓi-w
S yiss-ek i ğğuğğgent tirga-w
Ddarayen ak° medden g wexxam
M’ara d-teḥdeṛ yir tesweεt
Ɛemmdeɣ a k-ğğeɣ ay axxam
Xas a d-teḥdeṛ yir tesweεt
A yemma ur diyi-sseḍlam
Teẓriḍ neεteb nenneεdam
Lweεd isneṣl-aɣ tuyat
Ulayɣer neṛğa qessam
S tulawin wamma lxalat