La route enchantée [Breton translation]

Leun a joa eo an neñv,

frondus eo an noz.

Ac'h! pebezh c'hwezh soutil:

c'hwezh tan keuneud,

c'hwezh dous ar moged,

c'hwezh a viz Ebrel.

Santout a reer e vo emberr ar fest,

fest c'hwek an Nevez-Amzer

a fleuris a-us d'hor pennoù

oabl Ebrel kenkoulz hag ar maezioù.

Diskan:

Ur steredenn a lâras din,

div steredenn a lâras din:

Daoust hag anavezez bro an huñvreoù,

bro ar garantez, ma vez lirzhin pep tra

dindan an oabl glas.

Berr eo an devezhioù hinon

e bro ar garantez,

hag hir eo an nozvezhioù.

Met bevañ a reer e vuhez

pell diouzh an trubuilhoù.

Deus fenoz,

loc'h kuit! Kudenn eo ar pezh

a fell dit? Setu-hi.

Loc'h kuit, disoñj eus an douar,

loc'h kuit, deus ganeomp: gwelout a ri

ar mintinvezhioù joaus hag an hentoù bras

ma kerzher en avantur Doue.

Hañv-goañv,

an natur bepred,

an hent achantet.

Ster, ma mignonez,

te eo an hini a ganan eviti.

Ha c'hwi, evnedigoù, selaouit ouzhin,

moc'h, saout, leueoù

ha c'hwi, loened fall

a youc'h e-kreiz ar c'hoadoù;

warc'hoazh 'vo an devezh pa en em garer

hag an nep a had a eost ar garantez1

Ar barzhoneg kaerañ eo ar garantez,

perak nompas en em garout bepred?

Diskan:

Ur steredenn a lâras din,

div steredenn a lâras din:

Kan ar garantez el loargann,

kan hep an disterañ moneiz,

kan evel ur pennsod.

E pep-lec'h, pep-lec'h

emañ ar yaouankiz

oc'h astenn he divrec'h ouzhit.

An heol 'zo da fortun

mar bevez da vuhez

pell ouzh pep trubuilh.

Deus fenoz,

loc'h kuit! Kudenn eo ar pezh

a fell dit? Setu-hi.

Loc'h kuit, disoñj eus an douar,

loc'h kuit, deus ganeomp: gwelout a ri

ar mintinvezhioù joaus hag an hentoù bras

ma kerzher en avantur Doue.

Hañv-goañv,

an natur bepred,

an hent achantet...

Demat deoc'h, deiz, buhez, noz, karantez.

1. Bez ez eus e galleg ur c'hoari gerioù n'heller ket treiñ: "... on s'aime / et qui sème [= s'aime] récolte l'amour".