La neif ie tumeda [German translation]

L'ven sen d'inviern, l'dinstá ie passá,

l'fova tan bel,ma sen scaudons te furnel.

L'di ven for plu y plu curt,

l'temp ven for plu y plu burt,

l'd'inviern spand ora si blanch mantel.

(Ref. )

Cela ma ora, cela ce bel,

la neif ie tumeda sun cesa y medel.

Scauda la stua, scauda me bel,

la neif ie tumeda ce bel.

Bel blanch iel deventá sen ten colp,

tl bosch veijen piedies dla volp.

I lens plens de neif ie ciariei,

a ti ciale, ma ce biei.

L'ruf ie belau dlacia pro,

ma ega sotite meinel mo.

I nsci audun po for mo bel fin,

L'majné de dl vedl mulin.

(Ref.)

I ciampes, i ronesc, i prei,

i fova d'instá mo tan biei

Ma blanc iesi sen deventei,

per po se descedé inó de mei.

Si forza l'suredl a perdú,

bon ciaut via per l' di n veniel plu.

Ma sce te uessa mo n pue te scaudé,

dan cesa sun banch meseses sté.

(Ref.)

Na slitta se tira l'ciaval,

y nsci van ite y ora per val.

D'inviern ne stan nia me a durmí,

ma mpó enghe mpue se devertí.

Ja janesc do ite pra furnel,

s'apostun na saura bel schnell.

Y un chel scumencia a suné,

y d'autri nteur meisa a carté.

(Ref.)