La curiéra lyrics

E la curiéra che la va sö e gió,

e l’autista che na pò piö,

e la sciura cunt i bèi tèt,

e la dunèta che ha sbagliâ ’l biglièt.

Sèmpru la sòlita tiritéra…

töcc in sö la curiéra.

E i passeggeri a rebatòn del sû,

la sciura Rosa cunt el sò neù,

e la turista la capìss nagótt,

e i tusanètt che fann tròpp casòtt.

Ma varda té che féra…

tücc in sö la curiéra.

E gh’è anca ’l prévet che vö sultà gió,

e un uperari che vö sultà sö,

e vèrt i pórt, e sara i pórt,

e l’autista che l’è strach mórt.

Sul dinosauro di lamiera…

tücc in sö la curiéra.

E la strada che l’è la tua mamm

o la strada che l’è la tua tusa,

la strada che l’è un tòch de pan

o la strada che la vusa.

Quèla strada che l’è una ciulada,

e quèla strada che l’è una bèla tusa…

E la curiéra che la va sö e gió,

e ’l cuntrulùr cun la giaca blö,

tüt ciapâ a cuntrulàgh el biglièt

ala dòna cunt i bèi tèt:

«Oh signorina buonasera».

Tücc in sö la curiéra.

Varda la strada, varda ’l specètt,

«Porca miseria, che razza de tèt!»

Sét un autista, pénsa a guidà,

che ’l cuntrulùr l’è giamò dré a cuntrulà.

Ma varda che atmusféra…

tücc in sö la curiéra.

E la strada che l’è la tua mamm

o la strada che l’è la tua tusa,

la strada che l’è un tòch de pan

o la strada che la vusa.

Quèla strada che l’è una ciulada,

e quèla strada che l’è una bèla tusa…

Sèmpru la sòlita tiritéra…

tücc in sö la curiéra.