لأه لأه
يا ملوع لى قلبى دقة دقة
يامضيع لى عمرى خصام وفرقة
يا مبكينى ليل ونهار بحرقة
قصدك انسى حبك برضه لأه
لأه لأه
إن كنت واخد على خاطرك ، قل لى أصالحك
و إن كنت مش عارف عذرك ، قلبى مسامحك
تهجرنى ليه؟ عملت ايه؟
ليه وحدى احبك وانت لأه
قصدك انسى حبك برضه لأه
لأه لأه
يا محملنى همك و ويلى من يوم خصامك
يا مسهرنى ليلك وليلى راح فين غرامك
ذنبى فى حبك إنى باحبك
ليه وحدى احبك وانت لأه
قصدك انسى حبك برضه لأه
لأه لأه