L’òro e ‘o Sóle lyrics

‘O Sóle nun è d’òro, figlia mia,

né dinto viérno, né dint’ ‘a staggióne.

Nun crédere a chi cónta ‘sta buscìa;

nun sèntere a chi canta ‘sta canzóne.

Rispunne a chi te dice ‘sti pparole:

- “’O sóle nun è d’òro! ‘O sóle è… ‘o Sóle!

‘O Sóle è ‘o Sóle che ce scarfa ‘e ccase,

c’ammatura ògne frutto e ‘ndòra ‘e spiche.

È ‘o Sóle ca m’asciutta ‘e panne spase,

ca me sécca ‘a cunzèrva e spacca ‘e ffiche.

nun è d’òro! Pecché ll’òro è niénte…

E sènza ‘o Sóle nun sarria lucènte!”