L'amuri ca v'haju [Italian translation]

Nun lu sapiti l'amuri ca v'haju

Nun lu sapiti quantu vi disiu

Nun lu sapiti comu chianciu e staju

Quannu ca p'un mumentu nun vi viju

Dintra di l'arma mia 'na vampa cci haju

E lu me cori è vostru e no lu miu

Si moru, 'mParaddisu nun ci vaju

Pirchì p'amari a vuj nun penzu a Diu

E vui sapennu st'amuri e sti peni

Mi lassati muriri comu un cani

Ma oggi siddu ccè cu vi tratteni

Speru di cunvincirivi dumani

Cchiù nun m'amati e cchiù vi vogliu beni

Cchiù tempu passa e mannu cristiani

Nun mi lassati amuri 'ntra 'sti peni

Pirchì siti pi mia l'acqua e lu pani

Pirchì siti pi mia l'acqua e lu pani

L'acqua e lu pani