L'Orchestra Italiana - Voce 'e notte

Si sta voce te scéta int'a nuttata,

mentre t'astrigne 'o sposo tujo vicino,

statte scetata, si vuó sta scetata,

ma fa' vedé ca duorme a suonno chino...

Nun ghí vicino ê llastre pe fa 'a spia,

pecché nun puó sbaglià, sta voce è 'a mia.

È 'a stessa voce 'e quanno tutt'e dduje,

scurnuse, nce parlàvamo cu 'o "vvuje".

Si sta voce, ca chiagne int'a nuttata,

te sceta 'o sposo, nun avé paura.

Vide ch'è senza nomme 'a serenata,

dille ca dorme e ca se rassicura...

Dille accussí: chi canta int'a sta via

o sarrà pazzo o more 'e gelusia.

Starrà chiagnenno quacche infamità,

canta isso sulo...ma che canta a fà?