L'ana mortu cantande lyrics

L'ana mortu cantande

chin sa cantone in bucca

e mi l'an acatau

in s'àndala predosa ocros a chelu,

ocros a chelu.

Chin su fror'e sa morte

ispartìu in fronte,

fit solu chin su frittu

e chin sa malasorte;

chin su bentu mossendeli sos pilos

e in artu sa luna pompiande.

Non l'at cubau nemancu su dolu;

sos mortores fughìos

che umbra mala,

los at bidos su ribu.

E sos seros de luna,

cando dormin sas predas,

si sedet a contare in segretesa

a isteddos e nues

comente l'ana mortu,

comente l’ana mortu.

Est ruttu chen’e ischire d'aer biviu,

chen'e ischire de morrere.