Боғдаги гул бўйин олгим келади,
олгим келади.
Осмонда ой бўлиб қолгим келади,
қолгим келади.
Туну кун мен ўзим, ёрим, дилингни,
ёрим, дилингни,
Ёритган нур бўлиб қолгим келади,
қолгим келади.
Сени кўргим келар,
Ёнингда бўлгим келар,
Мен сенинг юрагингга
Айланиб қолгим келар.
Кўкламим ёз этсанг, кўнгил тўларму,
кўнгил тўларму,
Соғинчни оз этсанг, ҳижрон ўларму,
ҳижрон ўларму,
Бўлсангу ёнимда, дардим билмасанг,
дардим билмасанг,
Севгимиз биз учун армон бўларму,
армон бўларму?
Сени кўргим келар,
Ёнингда бўлгим келар,
Мен сенинг юрагингга
Айланиб қолгим келар.
Яшагим келади сенинг кўзингда,
сенинг кўзингда,
Бор бўлгим келади айтган сўзингда,
айтган сўзингда,
Бахтимиз ғунчаси юзин очарму,
юзин очарму,
Сен келсанг мен томон босган изингда,
босган изингда.
Сени кўргим келар,
Ёнингда бўлгим келар,
Мен сенинг юрагингга
Айланиб қолгим келар.