کی اشکاتو پاک می‌کنه [Ki Ashkato Pak Mikone] [Tamil translation]

உன் கண்ணீரைத் துடைப்பவர் யார் ?

நீ இரவில் –

வருத்தத்தில் மூழ்கியிருக்கும்போது !

உன் கூந்தலைக் கோதி விடுபவர் யார்?

நீ என்னை அருகே கொள்ளாதபோது !

நீ அழும்போது-

யார் தோளில் நீ சாய்ந்துகொள்வாய் ?

நட்சத்திரம் இல்லாத இரவு வரும்போது-

அப்போது யார் உன்னிடம் மன்னிப்புக் கேட்பார்?

இலையுதிர் காலத்தில்-

இலைகள் உதிரும்போது-

யார் உட்கார்ந்துகொண்டு உனக்காகக் காத்திருப்பார் ?

உன் காலடியில் விழுந்து கிடக்கிற-

பழுத்த இலைகளை யார் அப்புறப்படுத்துவார் ?

நீண்ட பொழுதுடைய ’யால்டா’ இரவில்-

யார் காத்திருப்பார்?-

உன் முகத்தில் புன்முறுவல் வரும்வரை !

இரவு முடிந்து காலை மலரும் வரை !

மழையின் இசைக்கு ஏற்றவாறு –

உனக்கு யார் கதை சொல்வார்?

கடக்கும் சாலை நீளமாக இருக்கும்போது-

உனக்கு நல்ல காதல் பாட்டுப் பாடுவது யார் ?