كلو حكي.... لا تصدق....صوت الدهب بيرن
كلو حكي... ما ينسمع .. رنة غوا و رنة وجع
يعزف على صك الكواحل نغمة دلع
مرة طرب مرة سجع
خلخالها اه يا قلب
والدهب ع الدهب بيحن
***
كلو حكي... لاتصدق... يلمع كما نجم ضاوي
كلو حكي... ما يداوي...
من دهر واكثر وانا على الفرح ناوي
تحرق من رماد العمر
دمعة صبا و تجن
مرة طرب مرة سجع
خلخالها اه يا قلب
و الدهب عالدهب بيحن
*****
خطي من فوق العمر
خطي سبع خطوات
خطوة اصل وأهل و جواد
وخطوة وصل فوق حدود البلاد
وعلي من صوات الفرح
ونسمع صداها يرن
مرة طرب مرة سجع
خلخالها اه يا قلب
الدهب ع الدهب بيحن