ხასანბეგი თავდგირიძე გარისხული ღვთისგან ერთი
თათრის ფაშობა იშოვნა სულ მთლად დაივიწყა ღმერთი
შეკვეთილში შემოვიდა იძახოდა ჰოლანგეთი
ლანჩხუთამდე მას ვაცალოთ მერე ჩვენ გვიყუროს ერთი.
გზას ვიყავით მილიცია რუსის ჯარი მეტად ცოტა
ცხრაათასი თათრის ჯარი წინ შემოგხვდა გვებოროტა.
ჩვენ გახლავართ გურულები დავამარცხეთ შუხუთფერში
მტერი ისე დავამარცხეთ, მთხრობლად არ გაუშვით ერთი
ჩემი ძმაი ხასანფაშა თავმოჭრილი დევინახე
რადგან ჩემი ძმაი იყო ვაი მეთქი დევიძახე
წინა ღამით მან გადაგვწვა მით დაიგო ცუდი მახე
რადგან ჩემი ძმაი იყო ბოლოს მაინც მე დავმარხე