كل شئ عم يخلص الحب والأحلام
كل شئ عم يخلص الضجر والأيام
طريق عم يصغر ونحنا ع الطريق
راح تخلص المسافة والطريق
خدني حبيبي عجل خدني الدنيا عم بتغيب
دخيلك خدني ما تضيعني بالليل الغريب
خدني حبيبي عجل خدني من قدام الباب
حبيني بقلبك لا تتركني وحدي بالضباب
كل شئ عم يخلص السهر والأعياد
والسفر عم ينده بمطارح بعاد
الخريف عم يخلص ونحنا بالخريف
والضبابة غطيت الرصيف
خدني حبيبي عجل خدني الدنيا عم بتغيب
دخيلك خدني ما تضيعني بالليل الغريب
خدني حبيبي عجل خدني من قدام الباب
حبيبي بقلبك لا تتركني وحدي بالضباب
كل شئ عم يخلص وجوه الأصحاب
كل شيء عم يخلص ضحكات الأحباب
والعيد راح يخلص وأنا بهالعيد
وحدي يا حبيبي وأنت بعيد
خدني حبيبي عجل خدني الدنيا عم بتغيب
دخيلك خدني ما تضيعني بالليل الغريب
خدني حبيبي عجل خدني من قدام الباب
حبيبي بقلبك لا تتركني وحدي بالضباب