كل ما منرجع [Kel ma mnerjaa] lyrics

جبران

كل ما منرجع ع هالدني منتلاقى بناس جداد

شي منذكرهن شي مننساهن شي بيخلقو بتاني بلاد

يا فرحي إني رح ارجع متل الزهر بروح وبرجع

والدورة بترجع تنعاد

نبي اورفليس

كيف بدنا نترك فرحنا من دون كآبة

السجين لو ترك سجنو بتسحقو الرحابة

كيف بدنا نترك المنفى وما نتألم

والمنفى زمان وناس ضحك وسلّم

الزمان متل المحبة ما بيتقسّم

جبران

انا بسألك انت منين وانت مين

نبي اورفليس

انا اللي كنت بأفكارك من سنين

انا ايام الطفولة الساعات البخيلة

احلامك بالغيب

والمستحيل اللي كان

جوّاتك قاعد

وتمرد وصار المارد

انا ازهارك بالجو

جبران: وانا جذورك بالارض

نبي اورفليس: انا ابراجك بالغيم

جبران: وانا اساس البنيان

نبي اورفليس : انا انت

جبران : وانت انا

سوا

وتنينتنا عم نطلع

ع دراج الشمس اللي بتلمع

عينينا ع البحر الثاني

وع الكون الثاني منتطلع

واحد منا متل الزمان

بيكمّل درب الزمان

والتاني متل الحياة

من جديد بيخلق وبيرجع

انا انت وانتَ انا بالزمان