كان ياما كان
أكو فد إنسان
حبه واحد و وفاله
وفوك راسه اسنين شاله
و شوفه إلما يجي بباله
و نكر كلشي خان
شبع من حبه و حنانه
بس اجته الفرصة خانه
و المشه بدرب الخيانة
هم يرد خسران
ودار وكته اويا و ذله
ندم ع العافه و رجعله
ضعت من دونك يكله
رجع ندمان
رجع بس بوكت ضايع
رجع بس بعديش راجع؟
امبين امن الجرح واكع
وجهه تعبان
كان ياما كان
أكو فد إنسان
جان بين إيديه النعمة
ما شكرهه وشال خشمه
نكر أصله و صغر حجمه
نسه هو شجان
كبر ع الي شال همه
والحفر بكليبه اسمه
انكسر تالي ورجع يمه
ضايع و حيران
هاي تاليته الي ينكر
واليخون وما يقدر
لا ايحسب لا يفكر
وكته خوان
كون يفهم كلشي هسه
ويدري هو الظلم نفسه
حتى إذا يكبر مينسه
شصار وشجان