أنا عندي كام سؤال في بحث عايزة أعمله
ناقصني كام اجابة تايهة نفسى أكمله
ليه البطل اللى بيحمينا دايمًا ليل نهار
يطلعله خاين أو جبان مصمم يقتله
طب منتي أهو شاطرة وجاوبتي من وسط الكلام
طبعا عشان ضعيف
ومستخبي عشان جبان
تايه خسران قضيته متساق ملوش قرار
ومهما حاول مش هيهز جوانا الايمان
طب ذنبه ايه الجندي اللى ضحى عشاننا كلنا
شهيد وصحيح بعيد لكن مكانه في قلبنا
امتى هتنتهي الحكاية دى واجعة قلبنا
هننتصر وبلدنا محمية من ربنا
متأكدين يا مصر ان جيشك قدها
رجالة ضحوا وفي التاريخ ياما جابوا حقها
طول ما في جيش وشرطة وشعب واعي في ضهرها
ميهزش الكلام ده حتى شعرة منها