Каля майго церама,
Каля майго церама,
Каля майго новага,
Ты да я, да божанька,
Дай мая сцяжыначка.
Там ішлі малойчыкі,
Там ішлі малойчыкі,
Іграючы ў гуселькі,
Песенькі спяваючы,
Дзевак сазываючы.
Як зачула дзеўчына,
Як зачула дзеўчына,
Як зачула красная,
Седзячы ў цераме,
Шыючы кашулечку.
Разбілася сярдзечка,
Разбілася сярдзечка,
Разбілася роднае,
Пусці мяне мамачка
З церама на ганачак.
Пусці мяне мамачка,
Пусці мяне мамачка,
Пусці мяне родная,
Пусці іх паслухаці,
Песень навучыціся.