Ҳой, сен! Қулоқ сол
менинг оҳимга!
Оҳ ураман сен
тушганда ёдимга!
Тоқат этолмовдим –
келдим боғингга,
Соллона-товлана бир чиқ,
жононим, жононим!
Кеча-кундуз кўзим
сенинг йўлингда,
Гумбурлайди гоҳи
дутор қўлимда,
Келиб турибман мен
борар йўлингда,
Соллона-товлана бир чиқ,
жононим, жононим!
Қирқ кун бўлди,
бир кўрмадим юзингни,
Кўнглимда хат этиб,
тутдим сўзингни,
Кутиб турибман,
бир чиқар деб, ўзингни,
Соллона-товлана бир чиқ,
жононим, жононим!
Ҳой, сен! Қулоқ сол
менинг оҳимга!
Оҳ ураман сен
тушганда ёдимга!
Тоқат этолмовдим –
келдим боғингга,
Соллона-товлана бир чиқ,
жононим, жононим!